我有唔少被 "注目禮"既經驗, 即係由頭望到腳趾尾, 絕對冇想訪問你既意思, 冇善意, 但亦冇敵意, 即使佢行到對面馬路, 又或者行到老遠, 亦會不時轉頭望...但係佢地絕對冇想幫人既意思....
佢地既年齡層絕大多數係上年紀既老人家, 男性居多....小朋友也有小朋友,
我唔會怪你, 因為你可能奇怪個姐姐點解坐0係架 bb車入面既? 細路仔唔識世界, 我唔會怪你...因為姐姐有病嘛
至於大人, 你冇可能唔知呢部係輪椅呀? 我梗係有病先坐啦, 唔通冇病冇痛搵自己笨呀? 先生小姐, 我都想行路架!!!!!!!!
好多時, 我都會忍到...不過就快到臨界點...
不過我又唔想破口大罵, 我會咁講:
"呢位先生/小姐/公公/婆婆, 請問我唔知全身邊一忽得罪左你呢?"
又或者大家有冇更好既提議呢?
不過我要禮貌版, 我要不戰而勝~
沒有留言:
張貼留言
Hello~