窩心

琴日外出買了洗傷口要用的消毒藥水之後, 就回家了....回程既時候真係覺得 "熱到不能再熱".....好焗.....好彩我冇暈, 冇亂講野....

因為呢d都係中暑既病徵!  我拿拿臨開 "行"turbo, "奔"左入商場, (因為我通常由商場入, 由另一邊返家), 一入商場既第一感係:
"好涼呀~"

由於都係想快快手返家, 涼風扇, 都係涼左半分鐘左右...我等lift的時候, 我又見到我的鄰居 (近排同佢真係有緣), 架lift入面計埋我有5個人, 鄰居 & 她的女兒,

另外有一對母子, 媽媽是要用手語溝通的, 仔仔就需要用助聽器, 我跟鄰居女兒傾計之餘, 仔仔也有跟我們講野, 他很乖, 沒有因為助聽器的原故而不說話...

只不過佢對我好好奇....

原來鄰居跟女士是姊妹關係...唔難得之我好似見過佢...

當我臨入門口時, 仔仔同我講: "你要小心d入屋企呀"
呀, 好窩心

而家唔係幾多小朋友懂得關心別人, 有惻隱之心...關愛之心
證明媽媽教得佢好好...

我說: "你都要小心d呀~"

呢個窩心的叮囑, 我全收到了...