意大利桑果奶凍新地狂熱@Haagen Dazs

因為0係大型商場開了間Haagen Dazs,

而我不嬲都幾愛佢既甜品既,

所以一有機會都會去食~

我又唔想叫普通一球球, 想試一下特色甜品,

於是就叫了: "意大利桑果奶凍新地狂熱" (好長)...

 

 

 

其實都係幾貴, 55大洋一杯, 不過計番有2大球自選雪糕,

又有生果, 忌廉, 威化,,,,等等......55大洋都叫可以接受啦~

加上又幾大杯......間唔中食一次半次, 又唔係日日食~

絕對ok~

之前未食過桑果呢類生果, 只係知佢係酸微微.....

不過呢個一食入口就知佢雪"過龍",

硬硬地, 非常有"質感兼口感".....

不過就一如所料, 甜中有酸.....無咩特別~

自選雪糕嘛, 我簡左貼近主題既士多啤梨同雲呢拿~

唔想離題太遠...即係綠茶 + 古古力呢~


店員好闊佬, 唧左好多cream~ 俾多多我都食得落~~~

愛佢果種"空洞感"......同獨特既甜味~

佢地既雪糕嘛, 一如以往既好質素, 亦唔會好似雪到變左ping  pong球咁....

中層加左我最愛威化~~~~

一d都冇"林"到, 仲好香+脆~

我份人食野有少少麻煩, 好愛食完一份又或者係一層先食第2樣,

所以今次中伏了....

我食到落底先望到仲有"奶凍"未食,

於是就咬一口先......oh.....冇咩味...

好輕微既奶味.....當然啦, 如果唔係點叫奶凍.....

不過唔係一篤就散果隻, 偏向似食緊jelly多d~

因為食到落底, 我巳經"刮"唔到任何野去同佢一齊食....

所以食到有少少歪口...

不過有左今次既經驗, 下次唔會啦~

總括黎講, 呢個甜品都好唔錯,

我非常滿意, 一定要試哂佢既甜品~~