芒果新地狂熱@Haagen Dazs

呢個呢......賣55大洋....

 

 

因為上次食完個奶凍之後, 覺得非常唔錯,

所以想試埋其他甜品, 睇下得唔得~

當中呢個最能吸引我, 因為本身都幾愛芒果甜品~

不過呢....

不過呢....

當甜品來了之後, 第一個反應係:

"乜同上次果個差咁遠既 ??? 咁都叫芒果狂熱???"

佢除左0係面頭加幾粒芒果, 加dd咁 der der 芒果汁之外....

真係完全睇唔出有幾芒果新地.....有幾狂....有幾熱....

成杯野就好似塌下來一樣....

好似將d垃圾堆堆埋埋0係一杯野入面.....



一樣可以自選雪糕...

我點了芒果同另一隻味 (唔記得左),

如果我唔係點芒果雪糕, 睇怕呢杯野更加唔係一杯疑似"芒果甜品"....

雪糕係一貫既好味~

入面既材料同奶凍既差唔多,

一大堆忌廉 (好好味~), 威化片 (都好好味~~) 同埋墊底既奶凍粒....

今次我有左上次食奶凍既經驗,

食剩d 雪糕, 忌廉, 將佢同奶凍一齊食~

又唔錯喎~

以上係我對呢個甜品既感想....

一定唔會再食, 食都食之前果個....

況且我仲有其他甜品未試~